SUYUQLIK MUHITLARINI ARALASHTIRISH
Tavsif
SUYUQLIK MUHITLARINI ARALASHTIRISH Reja: Aralashtirish usullari Mexanik usul bilan aralashtirish Pnevmatik aralashtirish Aralashtirishning boshqa usullari Suyuqlik bilan bog’liq bo’lgan sistemalar (suyuqlik-suyuqlik, suyuqlik-qattiq jism, suyuqlik-gaz) dagi aralashtirish eng muhim gidromexanik jarayon bo’lib, muhitga tashqi kuch ta’sirida qo’shimcha impuls berishga asoslangan. Suyuqlik yoki gazning ingichka oqimi ta’sirida uskuna hajmidagi oquvchan muhit zarrachalarini bir-biriga nisbatan ko’p marotaba siljitishga asoslangan jarayon aralashtirish deb ataladi. Suyuqlik muhitlari, pastasimon va qattiq sochiluvchan materiallarni aralashtirish quyidagi maqsadlar uchun ishlatiladi: a) qattiq zarrachalarni suyuqlik hajmida bir tekis tarqatish (suspenziya hosil qilish); b) suyuqlik zarrachalarini tegishli o’lchamlargacha maydalash va ularni suyuq muhitda bir tekis tarqatish (emulsiya hosil qilish); v) gaz zarrachalarini suyuqlikda bir tekis tarqatish (aerasiya); g) suyuqlikni isitish yoki sovitish jarayonlarini jadallashtirish; d) aralashadigan sistemalardagi (masalan, qattiq materiallarni suyuqlik yordamida eritish) modda almashinishini jadallashtirish. Aralashtirish paytida chegara qatlamning qalinligi kamayadi va o’zaro ta’sir qiladigan fazalarni ajratuvchi yuza doimo yangilanib turadi. Bunda muhitning turbulentlik darajasi ortib, fazalar o’rtasidagi issiqlik yoki modda almashinish shart-sharoitlari yaxshilanadi. Oqibat natijada suyuq muhitlarni aralashtirish kimyoviy, issiqlik va modda almashinish jarayonlari tezligining ko’payishiga olib keladi. Suyuqliklarni aralashtirish moylar, surkov materiallari, moylash-sovitish vositalari va sintetik yog’ kislotalarini ishlab chiqarish jarayonlarida, neft xom ashyosini tuzsizlantirishda, uglevodorodlarni xlorlashda, lok-bo’yoqlarni sovitishda va boshqa bir qator jarayonlarda keng qo’llaniladi.
Hujjat haqida
- Kategoriya
- Dars ishlanmalar | Kimyo
- Format
- DOC
- Hajmi
- 14 bet
- Fayl hajmi
- 929.0 KB
- Muallif
- Soffchi PhD
- Qo'shilgan
- 15.02.2025
