Mahsulot tavsifi

Mazkur o‘quv qo‘llanma tibbiyot oliy ta’lim muassasalarida tahsil olayotgan talabalar, klinik ordinatorlar hamda yosh shifokorlar uchun mo‘ljallangan bo‘lib, oftalmologiya fanining asosiy nazariy va amaliy jihatlarini zamonaviy ilmiy yondashuvlar asosida yoritadi. Qo‘llanma ko‘rish a’zosi anatomiyasi va fiziologiyasi, ko‘z kasalliklarining patogenezi, klinik belgilari, diagnostikasi va davolash tamoyillarini tizimli tarzda bayon etishga qaratilgan. O‘quv qo‘llanmada ko‘zning old va orqa segment kasalliklari, glaukoma, neyro-oftalmologik patologiyalar hamda shoshilinch oftalmologik holatlar izchil va mantiqiy ketma-ketlikda yoritilgan. Har bir mavzu ta’rif, etiologiya, patogenez, klinik kechish, diagnostika va davolash prinsiplari asosida bayon qilinib, talabalar tomonidan mavzularni puxta o‘zlashtirishga xizmat qiladi. Klinik jihatdan muhim belgilar va differensial tashxis masalalariga alohida e’tibor qaratilgan. Qo‘llanmada biomikroskopiya, oftalmoskopiya, gonioskopiya, optik koherent tomografiya (OCT), OCT-angiografiya, ultrabiomikroskopiya, fluoressein angiografiya hamda avtomatlashtirilgan perimetriya kabi zamonaviy diagnostik usullar yoritilgan. Ushbu tekshiruvlarning bajarilish texnikasi va klinik talqini tushunarli tarzda bayon etilib, amaliyotda qo‘llash uchun zarur bilim va ko‘nikmalarni shakllantiradi. O‘quv qo‘llanma Vaziyatli masalalar va ko‘p variantli test savollari bilan boyitilgan bo‘lib, talabalarda klinik fikrlash va differensial tashxis yuritish ko‘nikmalarini rivojlantirishga xizmat qiladi hamda oftalmologiya fanini o‘rganishda samarali o‘quv manbasi hisoblanadi.

Muallif

Hujjatlari

5

Sotilgan

0